Bila den rajin masak...

Maso on da way nak balik umah tadi.. lam kepala den nih haa asyik pikir yo... malam neh apo lahhh yang bleh den masak gak ehh.. walhal perut den nih haa tongah songkak neh tu pun ado ati laie nak masak ....gak eh baby lam perot tongah wat tai-chi kottt...

Pasal eh yang rajin bonar nak masak tu sobab eh lam peti ais tu ado udang ngan ayam yang laki den boli ahad lopeh... kang tak abih mombazir lah plak ... haiiihhh... ingat kan ari senin nak masak.. tapi tak jadik lah plak pasal den dah tak larek.. ari selasa pon tak masak gak pasal ehh tingin nak makan mee goreng mamak lah plak.. sudah eh ari neh baru ler den buek operasi... memola tatau ayam ngan udang tu nak buek masak apo.. hujung2 den blasah yo udang wat sambal lopeh tu ayam den buek masak goreng kunyit yoooo...sonang.. mudahhh...takdo lah lamo den berdiri tak lah longuh kaki den .. bahan tu sumo den main campak-campak yo lam kuali tu janji ado rupo ado raso pastu masuk perut solosai.. heheh...itupun tak abis laie ayam ngan udang tu... esok kono perabih kan lah jugak... kang lelamo kang ilang plak raso ayam tu kan..

nih ayam kunyit den.. maaflah ese nih bukan ehh pandai masak...main blasah yoooo..

nih roman eh sambal den ikekek... sambal tu den buh santan sikit.. pasal eh den klau wat sambal udang ko sambal sotong ko wajib buh santan.. kalau tak tokak den tak buleh poie.. nak buek camno dah dah tokak org neghori.. haaa den tau esok ayam tu den buek masak lomak cili api yooo..heheh..